• Home
  • /
  • Blog
  • /
  • Masti-e-Kirdar Fervour For Action Allama Iqbal

Masti-e-Kirdar Fervour For Action Allama Iqbal

Posted in   Kulyat-e-Iqbal   on  July 23, 2021 by  admin

مستی کردار

صوفی کی طریقت میں فقط مستی احوال

ملا کی شریعت میں فقط مستی گفتار

معانی
عمل کی مستی مستی کردار
تصوف کا باطنی علم طریقت
صرف فقط
کیفیات احوال
دین کا ظاہری علم شریعت
عمل کردار

مطلب :علامہ آج کے دور کے پیشہ ور اور رسمی علمائے دین اور صوفیا کی بات کرتے ہوئے کہتے ہیں کہ تصوف کا باطنی علم محض مستی کیفیات کا اور شریعت (دین کا قانون )صرف باتوں کی مستی کا نام رہ گیا ہے۔عمل کی مستی دونوں میں گم ہو چکی ہے۔

شاعر کی نوا مردہ و افسردہ و بے ذوق

افکار میں سرمست، نہ خوابیدہ نہ بیدار

معانی
آواز شاعری نوا
بجھی ہوئی،بے جوش افسردہ
خیالات افکار
مگن سرمست
سویا ہوا خوابیدہ
جاگا ہوا بیدار

مطلب: صوفیوں اور علما ء سے ہٹ کر اگر ادیبوں خصوصاً شاعروں کو دیکھیں تو ان کی شاعری مری ہوئی اور بجھی ہوئی ہے۔اس میں کوئی جوش،کوئی ولولہ،کوئی صداقت اور سوئی ہوئی قوم کو جگانے کے لیے کوئی پیغام نہیں ہے بلکہ اس سے الٹ قوم کو مردہ اور افسردہ کرنے کی باتیں موجود ہیں۔آج کے نام نہاد شاعراپنے فرضی خیالات میں مگن ہیں۔ان کی حالت یہ کہ نہ وہ سوئے ہوؤں میں سے معلوم ہوتے ہیں اور نہ جاگے ہوؤں میں سے۔بس اپنے فرضی خیالات میں مست ہیں۔جن میں کوئی عملی بات اور پیغام نہیں ہے۔

وہ مرد مجاہد نظر آتا نہیں مجھ کو

ہو جس کے رگ و پے میں فقط مستی کردار

معانی
اللہ کی خاطر باطل سے ٹکرانے والا آدمی مرد مجاہد
ریشہ ریشہ میں روئیں روئیں میں رگ وپے

مطلب : تصوف ہو کہ شریعت،ادب ہو کہ فن ،شعر ہو کہ ہنر مجھے اس دور میں کسی بھی میدان میں باطل کے خلاف جہاد کرنے والا ،کوئی شخص نظر نہیں آتا (ایسا باطل سے ٹکرانے والا مرد جس کی رگ رگ میں صرف کردار (عمل )کی مستی ہو دکھائی نہیں دیتا ۔یعنی سب قول کے پجاری ہیں عمل سے ان کا کوئی واسطہ نہیں۔

I've been in the business of writing, marketing, and web development for a while now. I have experience in SEO and content generation. If you need someone who can bring life to your words and web pages, I'm your guy.

Leave a Reply

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Subscribe to get the latest updates