Design By Freepik
Hazrat Imam Hussain Quotes
جس چیز کو تم نہ سمجھ سکتے ہو اور نہ حاصل کر سکتے ہو اس کے در پے کیوں ہوتے ہو؟
جب تم جن لو کہ تم حق پر ہو تو پھر نہ جان کی پروا کرو نہ مال کی۔
جلد بازی حماقت ہے اور یہ انسان کی بدترین کمزوری ہے۔
جو کوئی اپنے مذہب کو قیاس کے ترازو میں تولتا ہے وہ ہمیشہ شکوک و شبہات میں پڑا رہتا ہے۔
کسی شے سے زیادہ خواہش اور حرص محض بری ہی نہیں،مہلک بھی ہوتی ہے۔
دولت کا بہترین مصرف یہ ہے کہ اس سے عزت و آبرو کو برقراررکھ۔
وہ سب رخصت ہو گئے جن سے محبت تھی اور اب میں ان لوگوں میں ہوں جو مجھے پسند نہیں۔
اپنے کام کے صلے کی ،واجب سے زیادہ امید نہ رکھو۔
دنیا کا رنگ بدل گیا،وہ نیکی سے محروم ہو گئی۔کوئی نہیں جو ظالم کو ظلم سے روکے۔
وقت آگیا ہے کہ مومن سچائی کی راہ میں بے چین ہو کر نکل پڑے اور اپنا سب کچھ اللہ کی راہ میں قربان کر دے۔
بہترین سکون یہ ہے کہ خدا کی اطاعت پر خوش رہو۔
حلم اور بردباری انسانی سیرت کو آراستہ کرتی ہے۔
عظمت و بزرگی کا بہترین ذریعہ سخاوت اور نیک عمل ہے۔
بدترین حاکم وہ ہے جو اپنے مخالفوں کے سامنے بزدل ثابت ہو اور نامردی دکھائے لیکن کمزور اور محکوموں کے سامنے جرات کا ،مظاہرہ کرے۔
اگر زمانہ تیرے ٹکڑے بھی اڑا دے تو پھر بھی مخلوق کی طرف مائل نہ ہو۔
ذلت برداشت کرنے سے موت بہتر ہے۔
اگر جسموں کے لئے موت ہی مقدر ہے تو انسانوں کو راہ خدا میں شہید ہونا بہتر ہے۔
ظالموں کے ساتھ زندہ رہنا بجائے خود جرم ہے۔
حماقت کیا ہے؟ کمینوں کا اتباع اور گمراہوں کی اطاعت۔
